“Qarabağ” və Qurbanova qarşı təxribat… – UEFA-dan cavab
Xəbər verdiyimiz kimi, avqustun 5-də baş tutan UEFA Konfrans Liqasının üçüncü təsnifat mərhələsində “Qarabağ”ın AEL-lə səfər oyununda xoşagəlməz hadisə yaşanmışdı. Yerli azarkeşlər oyun boyu “Qarabağ”ın ehtiyat oyunçuları və məşqçilər korpusuna qarşı qeyri-etik şüarlar səsləndirmişdilər. 90+3-cü dəqiqədə Abdullah Zubirin bərabərlik qolunu vurmasından sonra isə kiprli fanatlardan biri "Qarabağ"ın baş məşqçisi Qurban Qurbanova qarşı təxribat xarakterli hərəkətlər etmişdi.
Bəs, insidentlə bağlı UEFA hansı tədbir görəcək?
UEFA-nın Media və ictimaiyyətlə əlaqələr bölməsindən UEFA İntizam Reqlamentinin 55-ci maddəsinə əsasən aşağıdakı intizam prosesinə başlanılıb.
AEL Limassol FK-yə qarşı irəli sürülən ittihamlar aşağıdakılardır:
1) Meydançaya yad cismlərin atılması - Maddə 16 (2) (b);
2) Azarkeşlərin özbaşınalığı - Maddə 16 (2) (h).
Cavabda bildirilib ki, UEFA Nəzarət, Etika və İntizam Komitəsi bu barədə yaxın vaxtlarda öz yekun qərarını açıqlayacaq.