Britaniya bankı Azərbaycan bazarına daxil olur
Böyük Britaniyanın rəqəmsal bank (neobank) modelli bank xidmətləri göstərən "Revolut" maliyyə-texnologiya şirkəti Azərbaycan bazarına daxil olmağı planlaşdırır.
Xeberinmerkezi.az xəbər verir ki, bu barədə “Revolut”dan məlumat verilib.
Qeyd edək ki, "Revolut" 200-dən çox ölkədə təmsil olunur, 18 milyondan çox fərdi, 500 min korporativ müştəriyə malikdir. Şirkət, həmçinin 30-dan çox valyuta ilə maliyyə əməliyyatları yerinə yetirir. "Revolut"un mobil tətbiqi səhmlərin, valyuta və kriptovalyutaların alqı-satqısına imkan verir.
"Revolut" şirkəti 1 iyul 2015-ci ildə təsis edilib, əməkdaşlarının sayı 5 minə yaxındır.