ABŞ-da ikinci koronavirus dalğası proqnozlaşdırılır
ABŞ-da koronavirusa yoluxma hallarının sayı yaxın günlərdə azalacaq, amma pik həddə yalnız yanvar ayında çatacaq ikinci dalğa başlaya bilər.
“Business İnsider” nəşrinin məlumatına görə, bu barədə ABŞ-ın “Morgan Stanley” bankının analitikləri proqnoz veriblər.
Hesab edilir ki, ölkədə koronavirusa yoluxanların sayı 1,4 milyon nəfərə çatacaq. Peyvənd tapılana qədər pandemiya bitməyəcək. Qeyd olunduğuna görə, koronavirusun peyvəndi 2021-ci ilin yaz aylarından əvvəl tapıla bilməz.
Analitiklərin əvvəlki proqnozları daha nikbin idi - bir ay əvvəl ABŞ-da yalnız 200 min yoluxma hadisəsi proqnozlaşdırılırdı.
Son məlumatlara əsasən, ABŞ-da 587 173 nəfər koronavirusa yoluxub.